कानून (एलएल.वी.) प्रथम वर्ष २०७५ समुहको प्रवेश परीक्षा फारम भर्ने सम्वन्धी सूचना !
त्रिभुवन विश्वविद्यालय, कानून संकायको च.नं. ४७३/०७५—०७६, मिति २०७५।१२।२५ को पत्रानुसार शैक्षिक वर्ष २०७५/०७६ को एलएल.वी.प्रथम वर्षमा भर्नाका लागि प्रवेश परीक्षा लिई उर्त्तीण विद्यार्थीहरुलाई मात्र भर्ना गर्नु भनी पत्राचार भए बमोजिम यस क्याम्पसमा संचालन हुने ३ (तीन) वर्षे एलएल.वी.कार्यक्रमको प्रवेश परीक्षा निम्नानुसार हुने भएकाले सम्वन्धित सवैको जानकारीका लागि यो सूचना प्रकाशित गरिएको छ ।
प्रवेश परीक्षा सम्वन्धी कार्यक्रम:—
१. आवेदन फारम वितरण : २०७६ बैशाख ४ गतेदेखि ।
२. आवेदन फारम बुझाउने अन्तिम मिति : २०७६।०१।२६ गतेसम्म ।
अन्तिम मिति पश्चात मिति २०७६।०२।०२ सम्म दोब्बर दस्तुर तिरी आवेदन फारम बुझाउन सकिने छ ।
३. प्रवेश परीक्षा शुल्क : रु १०५०।—
४. आवेदनका लागि आवश्यक कागजातहरु :
क. स्नातक तह वा सो सरह उर्त्तीर्ण भएको लब्धाङ्कपत्र, चारित्रिक प्रमाणपत्रहरुको छायाँप्रति थान १
ख. हालसालै खिचिएको पासपोर्ट साइजको फोटो २(दुई) प्रति ।
५. प्रवेश परीक्षा संचालन हुने मिति र समय : २०७६ जेठ ४ गते शनिवार विहान ८ बजे ।
६. प्रवेश परीक्षाको समयावधि १ घण्टाको हुने छ ।
प्रवेश परीक्षा शुल्क फि काउण्टरमा बुझाई सम्वन्धित शैक्षिक प्रशासनबाट आवेदन फारम लिन सकिनेछ ।
प्रा.डा.चन्द्रबहादुर थापा
क्याम्पस प्रमुख
Published by: Administration
Published on 2019-04-19
Download Full Text